Diroka Sar Heviyen Germ

Carinan mirinên binê bodromê bang lê dikirin, da ku dîsa xwe berde binê deryayê. Di binê deryayê de cara yekemîn ji Pasûrê heta Cizîrê geriyabû. Li derên dinê bigeriya wê nikaribûya ji binî wî barî rabûya û derketa jorê. Jiyana wî bi tenê li her du navçeyan derbas nebûbû. Hat bîra wî di rûniştina derûnî de bodrom hatibû ber çavên wî. Hêza xwe kom kir, li pêlan xist. Riya wî di nav deryayê de hêdî hêdî diqediya. Reht bûbû lê ji lehengên xwe piştgirî distend.

Di tariyê de li zinarekî ket. Dizanibû ku êdî gihîştiye perava deryayê. Pir reht bû, ji xwe de ketibû.